Double Cleansing 你實行咗未？

識得點清潔，一定唔會錯！喺韓國護膚文化裏，‘Double Cleansing’ 潔面2部曲，就好似常識一樣喔，已經植入現代韓國女仔嘅DNA咁，一分耕耘一分收穫，抵佢哋嘅皮膚靚！如果你仲未實行每晚Double Cleanse，可以考慮將佢納入2018年第二季起嘅New Year resolution!

第一步：溶解油溶性污糟嘢，如化妝品、防曬霜及皮脂分泌

可選擇用卸妝油或卸妝水，卸妝水含超微細卸妝油份子，好處係快靚正水潤；卸妝油特點係徹底潛入毛孔，溶解頑固油脂，唔好唔信呀，油先至係治油嘅至剛至柔工具。

第二步：二次清潔, 洗走水溶性的汗水、塵埃及污染物

第一步可用Huxley Cleansing Water; BE CLEAN, BE MOIST, 獲韓國Allure Beauty Award 2017選為最佳潔膚水，由簡潔嘅包裝，Huxley 嘅signature 清綠淡香，都逗人歡心，用後感覺係潔淨水潤，不乾不笠。

Huxley所有產品以天然生長於撒哈拉沙漠嘅仙人掌籽油為主要成分， 並且通過Ecocert有機認證及低過敏性測試， 任何類型皮膚都可以安心使用。仙人掌籽油係護膚界嘅超級新星，睇數據：

• 有改善黑色素功效的維他命K含量極高（用上一星期已見到皮膚更清澈通透）
• 抗氧化維他命E含量為橄欖油400%及摩洛哥堅果油嘅150%
• 並且含65%亞麻酸/Omega 6，強效修復細胞及抗游離基同時不堵塞毛孔。

作為卸妝水嘅另類選擇，我一星期都喜歡用兩至三次卸妝油深層清潔毛孔，好多人仍然怕用油，其實如果毛孔粗大油脂分泌旺盛的，更應該使用溫和潔面油，因為油先能徹底溶解潛藏毛孔嘅頑固油脂，當卸妝油被水徹底乳化後，細心觀察毛孔，不難見到毛孔潔淨暢

通。

A•True Pure Balancing Cleansing Oil_平衡卸粧油 , 使用EWG 評定為一級安全成分

• 杏仁油、摩洛哥堅果油、野玫瑰果實油、荷荷巴籽油、澳洲堅果籽油、橄欖油、葡萄籽油
• 甜橙精油、西柚皮等精油
• 絶不含堵塞毛孔及刺激皮膚的礦物質油

唔好唔信呀，油先至係治油嘅至剛至柔工具

1. 日常缷粧及潔面: 乾手取適量卸粧油，像按摩一樣温和地塗抹整個臉部，然後加水澈底乳化油份及洗淨。
2. 潔面抹乾水份後，用兩至三泵油作面部按摩3-5分鐘，一面按，一面用relax嘅節奏，一下一下做好丹田呼吸法，吸氣時下腹（丹田）要盡量隆起，呼氣時慢慢呼盡收腹。按摩完用溫熱毛巾敷面上並以掌心輕按壓幾下。混合柔軟肌膚嘅甜橙、清新平衡皮脂嘅西柚、溫暖滋潤嘅雲呢拿子，直情係洗淨心靈嘅經驗。

第二步：二次清潔, 洗走水溶性的汗水、空氣中塵埃及污染物等

可用Cleansing Gel; BE CLEAN BE MOIST，含仙人掌提取物及有機仙人掌籽油，溫和起泡清潔同時抗氧化補充水分，用完唔會有崩緊嘅感覺催促你拿拿臨去搽爽膚水面霜，証明皮膚都relax 咗啦。

油性及豆豆肌可用Heimish All Clean White Clay Foam《針對潔淨毛孔嘅洗面膏》深層潔淨及收斂毛孔，核心成份係亞馬遜高嶺土（Kaolin)，呢種白泥特性係溫柔得嚟好powerful，點解？在眾多天然護膚泥中，白泥係質地最幼細綿滑，即使敏感皮膚都可以享受到白泥，深入吸收毛孔多餘油脂、污物及皮膚老化細胞，但不會同時抽走水份。不含paraben, sulfate 及surfactant 等有害致敏成份。

Heimish All Clean White ClayFoam 主要成份：

• 高嶺土：天然毛孔清道夫, 深入吸收毛孔多餘油脂、污物及皮膚老化細胞
• 十種天然草本精油：排毒、淨化、消炎及舒緩; 天然香薰帶來Spa 的感受
• 3種透明質酸：所以用完感覺好保濕唔會乾
• 椰子油：天然潔淨清潔劑，增加皮膚彈性
• 橙皮提取物：抗暗瘡及黑頭。滿滿抗氧化成份及維他命C，保持皮膚光滑及添加光澤
• 薰衣草：天然全效消炎抗菌，幫助治愈暗瘡、傷口、發炎等皮膚不適
• Amyris Balsamifera樹皮油：抗衰老及天然淨化劑- 茶樹油：消炎抗菌，抗暗瘡
• 茉莉：補水，抗皺

產品係天然白泥白中帶少少灰嘅顏色，帶微微天然泥土味。韓國人近年時尚觸覺越來越強大，護膚界都逐漸吹起時尚水療風，Heimish 就係走呢條home spa路線，包裝時尚簡約，除咗韓妹外，好多型仔oppa 都用呢支洗面膏㗎！重有係150ml 大大支，好重手，好撼用喔

講咗咁耐清潔嘅重要性，一定要嚴選溫和有效嘅成份，唔好洗到皮膚乾爭爭，洗到表面乾爭爭只會發訊息俾我哋嘅神經細胞，刺激皮膚積極分泌油脂，加倍’補償‘，標油嘅惡性循環就係咁開始...記住洗到乾爭爭，而家唔興㗎喇，以上我嚴格選出嚟嘅產品，都係用完有清爽但水潤唔乾嘅效果先喺度寫的，多謝收睇！