{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

目錄 購物車 {{currentCart.getItemCount()}}

七層皮膚法 - 拯救任何缺水皮膚



七層皮膚法(7 Skin Method)已經成為韓國女仔最喜愛的美容護膚程序之一，點解？因為超級、係超級、簡單；同埋基本上都會即時見到效果（除非用嘅產品好錯啦..）

［7 Skin Method究竟係乜呢？］就係連續用七次toner，就係咁簡單，真係咁簡單。點解叫七層皮膚法呢？喺韓國，護膚水普遍被稱為“皮膚”，可見優質爽肤水喺韓國護膚界擔當幾重要嘅角色！Less is More - 只需一個產品，通過water layering，一層一層將爽膚水拍入皮膚，皮膚就如經歷一次深層灌溉，直至底層長期處於深度飢渴狀態嘅細胞都飲飽水。



七層toner使用方法：
⁃ 第一層：用爽膚水浸濕化妝棉，沿着皮膚紋理向外向上抹開。
⁃ 第二至七層：先將四至五滴放入手心，再用雙手輕輕於面上拍拍拍、拍拍拍，輕壓面部、額頭、下巴，唔好唔記得頸部啊。咁樣重複六層就大功告成喇。

［咁7 Skin Method 應該用邊類爽膚水呢?］因為會連續使用多次，係護膚程序非常非常重要嘅一個角色，所以要真的認真講究使用健康有效成份尤其重要喔， 要使用不含酒精嘅保濕精華爽膚水。



我近期超愛韓國Huxley Toner; Extract It ，質地屬於稀身微微幼滑，清爽100%不帶粘性 ，保濕抗氧化，十分水潤，有輕微降溫效果，弱酸性配方於潔膚後即時將皮膚帶回健康的pH5.5；Huxley 品牌以富含Ecocert 有機認證及低過敏性測試嘅仙人掌籽油為核心成份，連敏感皮膚都可以安心使用。



仙人掌籽油係護膚界嘅超級新星，佢生長喺日夜溫差高達50度嘅摩洛哥撒哈拉沙漠，仍然擁有頑強嘅儲水能力及生命力，好多敏感皮膚用家用完都有被拯救嘅感覺，話此仙人掌護膚品仿如身處都市沙漠嘅皮膚守護者；睇吓數據：
⁃ 有改善黑色素功效嘅維他命K含量極高（用上一星期已見到皮膚更清澈通透）
⁃ 抗氧化維他命E含量為橄欖油嘅400%及摩洛哥堅果油嘅150%
⁃ 含65%亞麻酸/Omega 6，強效修復細胞及抗游離基同時不堵塞毛孔。

［7 Skin Method 效果］雖然整個過程用嘅時間比正常多少少，但只要你做過一次，見到效果你會同意係Time Well Spent。完成7 Skin 後，皮膚顯得柔軟，水噹噹，飽滿，毛孔及紋理都緊緻咗；更重要係皮膚感覺更健康，可更長時間維持一個剛睡飽或做完一場Yoga後的健康醒神look。

完成七層皮膚後, 最好用合適嘅面霜鎖住剛滿滿注入嘅水份，視乎天氣同你的皮膚性質及狀態：


1. 油性、混合性、中性夏季或日間會用 Huxley Cream;Fresh and More 清新輕盈嘅啫喱保濕霜


2. 皮膚偏薄脆弱的，及於轉季時份皮膚容易敏感、及乾燥秋冬季，可以用一啲能強化保濕膜的高度保濕霜。我最近大愛Huxley cream; More than Moist,會融化入皮膚，最重要的係用後皮膚表面竟然呈啞緻感(matte finish)零油光！(matte finish)零油光！(matte finish)零油光！太驚喜所以要講3次!


3. 關注anti-aging及皮膚偏暗的應選擇Huxley Cream; Anti-Gravity抗氧化保濕營養霜

我知你哋依家都想問嘅問題係：係咪要keep住日日做呀？其實真係視乎個人皮膚狀況，同對要靚嘅追求堅持（我哋見到韓妹水噹噹嘅皮膚，確實係一分耕耘一分收穫㗎 ），建議先連續做七日，經過7x7 49層嘅深層灌溉，你嘅皮膚狀態會話俾你知需要點調整，視乎情況可以一層、三層、五層或七層...護膚嘅終極境界，就係聆聽皮膚嘅需要，衷心希望呢個最簡易嘅護膚法可以幫到最多嘅人。